Pantun Sujare..

Bismillah ade pembuka kate

Pantun wirayat ini diyenye
Pelipur sumpek tuwe dan mude
Buat ngehibur ati nyang duke

Buwe kelape tulung alapin
Tulung kupasin tulung parutin
Jikalo sale tulung maafin
Tulung tegorin tulung benerin

Dari Mataram nyampe di Bantam
Adiningrat Bagus Jayakarte
Nyodorin sembe nyampein salam
Kasi ingetan mulus sujahtere

Siri disusun dari Keramat
Keramat ade di Kali Angke
kite berpantun buka wirayat
Selamat kite selamet semuwe

Wirayat kuno jaman dahulu
Sual wirayat negeri Jakarte
Beberin sujare rumpun Melayu
Nyang bermukim di Pulo Jawe...

"Al Fatawi......."